testlight4u

ماهى ميزانية محل ادوات كهربائية  السلام عليكم ورحمه الله وبركاته اولا يجب عليك قبل البدء فى مشروع الادوات الكهربائيه تكون على علم كافى من بعض التوصيلات منها صيانه المشتركات وتركيب الكاشافات  وتركيب الدوايات وهكذا تانى حاجه بعد ما ربنا يكرمك بالمكان المناسب  مش هايبقي ناقصلك غير البضاعه ومبدائيا هاتحتاج بضاعه بالظبط 30.000 جنيه مصري والموضوع القادم هاقلكم ان شاء الله ايه اللى محتاجه محل الكهرباء

الفرق بين الكشاف الاليكترونى والعادي وسعرهم مميزات الكشاف الاليكترونى : اولا الكشاف الاليكترونى بيشتغل بدون ترنس ولا استرتر وبمجرد الضغط على المفتاح بتاع اللمبه بتشتغل فى ساعتها وشكلو جميل جدا ووزنه خفيف لانه مافهوش ترنس وتركيبه اى حد معندهوش خبرة بالكهرباء يقدر يركبه بكل سهوله ولكن عيوبه : انه بيحرق اللمبات بسرعه جدا  ماينفعش يتحط فى حمام ولا مطبخ  طبعا علشان البخار لازم يتركب عليه لمبه نيون رفيعه  لو الكهربا زادت او قلت بيحرق اللمبه والدوايات  وممكن تفرقع طبعا سعره باللمبه كامل اي نوع او اى ماركه  يتراوح بين 45 جنيه الى 50 جنيه *-*-*-*-*-*-*-*-*-*-* اما الكشاف العادى بتاع زمان عبار عن صاجه وترنس واسترتر ولمبه ودوايات طبعا كل حاجه لوحدها توصيلهم لازم يكون واحد عنده خبرة فى الكهربا او مختص وزنه ثقيل بسبب الترنس اللى من الداخل مميزاته :: بيستحمل تغير الكهرباء بيركب عليه اى نوع من اللمبات اللمبات مابتترحقش بسرعه  الدوايات مش بتبوظ غير بعد فتره كبيرة والاسترتر ايضا بياخد وقت على مايبوظ عيوبه عاديه جدا هو المشكله شكله ضخم شويه ووزنه ثقيل سعره بيتراوح بين 52 جني...

انواع واسعار استرتر اللمبه النيون اولا تعريف استرتر اللمبه هو عبار عن الباديئ اللى بيقوم اللمبه النيون زي رمات الكمبيوتر كده ويوجد منها الصيني والمستورد طبعا الصيني بيكون سعره 1 جنيه اما المستورد سعره بيتراوح بين 1.5 و 2 جنيه طبعا بيكون مكتوب عليه الصناعه لو صيني وحش طبعا والفرق بين الصيني والمستورد الصيني مابيقدرش يشغل اللمبه ولو شغلها بتاخد وقت اما المستورد اللمبه بتشتغل بسرعه طبعا

قائمة بجميع انواع اللمبات لمبه 100 وات قلاوظ لمبه 100 وات مسمار لمبه 200 وات قلاوظ لمبه 200 وات مسمار لمبه سهارى 15 وات قلاوظ لمبه سهارى 15 وات مسمار لمبه بولا 40 وات قلاوظ  لمبه بولا 40 وات مسمار لمبه كحكه 22 وات  لمبه كحكه 32 وات لمبه كحكه 40 وات لمبه ميتالايت 400 وات على التيار لمبه ميتالايت 400 وات على ترنس لمبه فلورا 160 وات  لمبه فلورا 250 وات  لمبه فلورا 500 وات لمبه موفرة 15 وات لمبه موفرة 9 وات لمبه موفرة 26 وات  لمبه موفره 30 وات لمبه موفرة 32 وات لمبه موفرة 36 وات لمبه موفرة 40 وات لمبه موفرة 75 وات  لمبه موفرة 101 وات لمبه نيون 120 سم  لمبه نيون 60 سم لمبه بلحه 40 وات وطبعا دي انواع  واسماء اللمبات اللى متدوله فى السوق

اسعار وانواع لقم البريزه السلام عليكم ورحمه الله وبركاته   النهرضه اضع بين ايديكم فى هذا الموضوع البسيط انواع لقمة البريزة وسعرها يوجد منها الصيني و المستورد والمصري الافضل طبعا المصري والمستورد واما الصيني طبعا زباله المصري والمستورد سعرهم يتراوح بين 4 و 7 جنيه وافضل نوع مشاع وواخد سمعه كويسه البيتشينو ولكن للاسف النوع ده فى اللقم بالذات رديئه جدا ولكن فى حجات تنيه كويسه والافضل الايطالى philo والاليس المصري وجيما ويوجد انواع  اخرى كويسه

اسعار وانواع السلك المعزول السلك المعزول انواع ايضا كثير ونفس الكلام فى السلك المجدول والترمو ويوجد منه المضروب وبيتعرف من لون النحاس بيبقى مطفى وسعره المفروض انه رخيص ولكن معظم البياعين بيبعوه بنفس سعر المعتمد السلك المعتمد بيكون كا العاده مختوم في كل متر ولون النحاس بتاعه بيلمع جدا جدا اما بالنسبه للاسعار للاسف كل انواع السلك ارتفعت ارتفاع جنونى

انواع السلك المجدول اليوم نتكلم مع بعض عن شوية معلومات عن السك المجدول يوجد منه انواع كتير لاحصر لها ومعظمها مضروب وهاتكلم معاكم اليوم عن ازاى تعرف السلك الاصلى من المضروب اولا خالينا نتكلم عن السلك المضروب يوجد منه نصف مم  1 مم سعر المتر 1.5 جنيه 2 مم سعر المتر 2 جنيه 3 مم 3 او 2.5 جنيه 4 مم 3 او 3.5 جنيه وهتلاقى السلك المضروب البلاستيك بتاعه حجمه كبير جدا وبتكون اللفه بتعته تقيله بس كلها بلاستيك طبعا وطبعا النحاس من جوه قليل اوى اوى لا يذكر والنحاس بتاعه مابيلمعش مابيبقاش فيه لامعه لانه ماخلوط بالحديد نيجي بقي للسلك الاصلى او المعتمد طبعا ده بنعرفه اولا بيكون كل متر فيه مختوم تانى شئ بيكون من اسم الشركه  ومنهم شركه السويدي وشركة السمكه ودى الاحسن والاقوى وشركة الهندسيه والشركة الفرنسيه ودول اقوى الشركات وممكن يكون فى افضل بس ده اللى متداول واللى معروف في السوق كله وطبعا بيتعرف ان السلك من بره البلاستيك بتاعه رفيع ومن الداخل بيكون العازل بتاعه فى بودرة  ونيجي لاهم نقطه ان النحاس بتاعه بيكون اكتر بكتير وبيلمع جدا وبالنسبه للسعر فهو فى فرق كبير جدا جدا عن السلك المضروب

انواع الباريزة اللى خارج الحائط انوعها كتير ولكن افضلها واحسنها الايطالى و التيوانى والمصري والبلغارى  اى نوع غير الصيني فى البريزة دي بالذات ونعم المصري بتعها نضيف ويوجد نوع مصر اسمه اليس ماركة معتمدة روعه جدا وطبعا لما تكون البريزة 16 امبير اكيد تبقي كويسه يعني لو صيني 16 امبير ومن شركة معتمده زى lazio دى ماركة نضيفه طبعا نيجي بقي لاهم نقطه وهى السعر سعر البريزة ام غطاء 10 جنيه اي نوع البريزه اللى من غير غطا  5 جنيه  ويوجد نوع تانى 6 امبير بتاع الاحمال البسيطه صيني او مصري 3 جنيه

انواع المشترك الخماسي بدون سلك فى منه انواع كتير وماركات ولكن كله صيني للاسف  قوة تحملة 6 امبير فقط سعره 2 جنيه مايستحملش غير ريسيفر وتلفزيون وشاحن  *-*-*-*-*-*-*-*-*-* ولكن يوجد نوع تركي almera قوة تحمله 16 امبير قوى جدا سعره 5 جنيه  يستحمل اى شئ

انواع الدوايات واسعارها اليوم هاضيف ليكم اسعار الدوايات وانواعها موضوع بسيط جدا دوايات القلاوظ داويات المسمار للدوايات انواع عديده جدا ولكن افضلها الدوايات النحاس او الصيني لانهم بمعنى اصحي بيستحملوو سخونه اللمبة جدا جدا جدا جدا ومابتسحش  ولكن مايمنعش ان الدوايات البلاستيكيه كويسه وفى منها التيوانى والايطالى  وطبعا ايى دوايه غير المصري والصين تبقي كويسه سعر الدوايه العاديه 2 جنيه  الدوايات النحاس والصيني سعرهم 3.5 او 4 تقريبا

انواع ترنسات اللمبات النيون يوجد انواع كتير جدا لا حصر لها ولكن افضلها  الترنس التركي  ومورا  والبلغارى والاسبانى والحذر ثم الحذر من الايطالى والفوجى السعر يتراوح من 10 الى 20 جنيه

انواع مشتركات الكمبيوتر هانتكلم النهرضه عن انواع واسعار مشتركات الكمبيوتر فى منه اكتر من نوع واكتر من شكل وطبعا اوحش نوع الصيني والمصري ماينفعش يشتغل عليهم غير كمبيوتر وشاحن وتلفزيون وريسيفر فقط لاغير وطبعا ممنوع يشتغل عليه ولا تلاجه ولا كاتيل ولا ماكروويف ولا سخان ولا بتوجاز وافضل نوع  التركى ماركة almera اقوى نوووووووووووووع لانه 16 امبير والسلك بتاعه معتمد ومن داخله نحاس بيشغل اى حاجه مابيقولش لاء والمصري طبعا والصيني مكتوب عليه ان 10 امبير وهو فى الحقيقه 6 امبير والسلك بتاعه ربع مللى مش معتمد ردئ جدا

انواع السلك الترمو بلاستيك سلك نصف مللى ترمو بلاستيك سلك 1 مللى ترمو بلاستيك سلك 2 مللى ترمو بلاستيك سلك 3 مللى ترمو بلاستيك سلك 4 مللى ترمو بلاستيك سلك 6 مللى ترمو بلاستيك انواعه باترتيب من الاحسن الى الاقل السمكه وهو انضف سلك فى السوق نعم افضل واحسن  من السويدي الفرنسيه كويس ايضا الهندسيه السويدي المعتمد للاسف فيه منه مضروب كتيييير ججدا

سعر ونوع السلك الترمو بلاستيك السلك الترمو بلاستيك هو عبار عن سلك عليه طبقات من العازل بطريقه محكمه وشكل جميل  وهو يستخدم في عدت حاجات زى الفرن الكهربائي الكاتيل {براد شاى بالكهرباء} التلاجات والديب فليزر والمشتركات  وهو الافضل للاجهزة دى لقوة تحمله وشكلة الانسيابي طبعا الافضل استخدام سلك بحجم 2 فى 2 مم 

انواع واسعار اللمبات النيون 120 سم   اللمبات النيون او الفلورسنت او الدراع او الشمعه او النيلو او 120 سم هذه هى تسميات الزبون للمبه  ولكن هى فى الحقيقة اسمها لمبة فلورسنت 120 سم وسعرها يتاراوح بين 7 جنيه الى 10 جنيه ومن انواعها  طبعا  فيبلس تنجزرام  دى شيدا توشيبا نيازاز  سيريا فولتو طبعا انا كاتب بالترتيب ده من الاحسن الى الاسوء  وانواع اخرى صيني كتييييييييييير جدا  بس دى الاشهر فى سوق العتبة

السلام عليكم ورحمه الله وبركاته اليوم هانتكلم عن اللمبات 100 وات للاسف معظمنا بيشتكى ان اللمبات 100 وات عمرها قصير جدا يعني متوسط العمر اسبوع ودده بيرجع للشركات وعدم مراقبة الجوده  ولكن افضل الانواع اللى موجوده فى السوق فيلبس نيازا وسعر اللمبة ممكن يوصل ل 5 جنيه او اكتر واما اللمبات اللى فى السوق والانواع الاخرى للاسف كتيييييييييير جدا منها pila sgl فولتو وانواع اخرى كتير وسعرها غالى جدا مع الرغم ان جودتها قليله جدا جدا

السلام عليكم ورحمه الله وبركاته اليوم اضع بين ايديكم افضل انواع شرائط  لحام الكهرباء من واقع تجربتى افضل انواع اليابانى والتيوانى افضل من الصينى بكتير ويوجود انواع مثل اليوس = 5 جنيه الحجم الكبير الغزاله =  5 جنيه الحجم الكبير والتيوانى =  5 جنيه الحجم الكبير كلهم يعتبر نفس السعر

السلام عليكم ورحمه الله  وبركاته  اليوم اضع بين ايديكم اسعار وانواع اللمبات الموفرة اسعار اللمبات الموفرة لمبة موفرة 15 وات مصرى سعرها يتراوح بين 8 او 9 جنيه  لمبة موفرة 26 وات مصرى بالعاكس الضوئى 12 او 13 جنيه لمبة موفرة 26 وات مصرى بدون عاكس 10 جنيه لمبة موفرة 30 وات مصرى 11 او 12 جنيه لمبة موفرة 32 وات مصرى 13 جنيه لمبة موفرة 36 وات مصرى 15 جنيه لمبة موفرة 40 وات مصرى 20 جنيه لمبه موفرة 15 وات مصرى جراند مورا 12 جنيه الماركات الموجوده فى السوق وافضلها فيلبس مورا فورا  وانواع كتير جدا لا نهايه لها بس دى من افضل الانواع www.up1light.com