testlight4u

حصريا على مدونه محمد لايت للادوات الكهربائية www. up1lightt .com بالفديو شرح صيانة مشترك الكمبيوتر  بخطوات بسيطه جدا تابعو الفيديو  

طريقة عمل الثريا بالفديو وشرح استخدمها مطلوب لمبة 200 وات دواية قلاوظ او مسمار متر او اكثر سلك  2 مسمار 10 سم صلب شريط لحام فيشه ذكر كاوتش الطريقه في الفديو

السلام عليكم ورحمه الله وبركاته هانتعلم مع بعض شروحات مصورة فديو لصيانة بعض الاجهزة الكهربائية مثل المشتركات اللمبات النيون وطريقة الكشف على الاستيتر والترنس فى المنزل وحجات كتير ان شاء الله تعجبكم وتستفيدو بيها

الفرق بين الترنس الاليكترونى والنحاس وايهما احسن الترنس الاليكترونى فائدة فقط :: انه خفيف الوزن ويعمل اللمبة بدون الترنس وبالنسبة لسعره 10 جنيه فقط وعيوبه :: انه على مكثفات وكارته وليس ملف نحاس وكمان لو الكهربا زادت ممكن يفرقع         اما بالنسبه للترنس النحاس فهو الافضل من ناحية التحمل ولكن وزنه ثقيل شويه ولكن يستحمل زيادت او انخفاض الكهربا وسعره من اول 8.5 الى 20 او 25 جنيه

هل يمكن صيانة مشترك الكمبيوتر نعم وبكل سهوله لو المشترك فصل خالص ماترمهوش صلحو بنفسك ويبقي احسن من الجديد 1000% اولا هانفتح المشترك ونقطع السلك اللى من الداخل خالص ونشترى سلك ترمو بلاستيك 1 مم معتمد متره بيكون بـ 4 جنيه تشترى حسب المقاس اللى انت عايزة متر اتنين ثلاثه على رحتك ونشترى فيشة ذكر 16 امبير تركي او ايطالى ونشترى متر سلك 2 مم مجدول بيكون سعرة بـ2 جنيه وبعد كده نمسك طرف السلك المجدول ونفكهم من بعض هاتلاقي المشترك من الداخل فى كل مربع في حتتين نحاس هانوصل طرف ونسيب طرف وبعد كده نعمل النحاسه اللى فضله وطبعا كل طرف متوصل باالى بعد منه  هايطلع طرفين فى الاخر يتوصلو بالسلك  الترمو  يارب اكون قدرت اوصل المعلومه بشكل صحيح

سعر المفتاح الديمر وفائدتة سعرة بيكون 25 جنيه تقريبا واما عن فائدة هو تخفيف شده اضاءة اللمبه ال 40 وات و ال 100 وات و ال 200 وات  ولكن ماينفعش للمبات النيون والموفرة  

سعر سلك او كابل المكواه يتراوح بين 4 و 5 جنيه وصيني  طوله حوالى متر ونصف وبيكون حرارى علشان يستحمل السخونه

سعر لقمة زر الجرس   سعرها بيبتدى من 4 الى 5 جنيه سواء صينى او اى نوع تانى اما البتشينو سعرها بيكون حوالى 8 جنيه لو الاصليه

استغل كشاف الطوارئ القديم بفكرة روعه جدا كلنا عارفين ان كشافات الطوارئ زى اللى فى الصورة بتبوظ بسرعه وللاسف تصليحها قليل جدا ولكن اهم شئ لاترميه فك الكشاف بعد مايبوظ وخلع كل الاجهزة اللى فيه خالص وخالي الوش الفضي فقط بدون ليدات واشترى فرع نور اللى هو ليزر زى الصورة دى   وزى ماهو كده ثبت اللمبات بتاعت الفرع اماكن اليدات القديمه بمسدس شمع  وبعد كده قفل الكشاف واستمتع بشكل راااااااااائع جدا 

اسعار وانواع العلبه الماجيك العلبه الماجيك كما هو موضح فى الصورة انها بلاستيك ودي بتكون داخل الحائط علشان يركب عليها  الشاسيه وبعد كده اللقم وكلها حجم ومقاس واحد وبالنسبه للانواع فهي مش هاتفرق اى نوع لان مش بيكون عليها اى احمال وسعرها بيتراوح بين 1.5 و 2 جنيه

سعر صاجه نيون 120   سعر الصاجه النيون  120 سم فى واحد لمبه وبيكون داخلها الدوايات والسلك سعره بيتراوح بين 10 و 12 جنيه

سعر ونوع الدوايه ام فيشه الدوايه ام فيشه مثل اللى في الصورة ولكن ماينفعش يشتغل عليها غير اللمبات السهارى او اللمبة الموفرة فقط  علشان ماتسيحش وسعرها بيكون 3.5 جنيه

الفرق بين الاسبوت الـ led والعادى من راي ان الاسبوت الـ Led  افضل من ناحية الشكل والاضاءة  والعمر ولكن يختلف السعر عن العادي السبوت العادى سعرة 3.5 جنيه والـ led بيبتدى من 10 جنيه الى 30 ولكن باختلاف عدد الليدات

سعر ونوع الدوايه الجوليا   دى بتستخدم للمبه الميتالايت او الفلورا ودى بتكون اكبر من الدوايه العاديه وبتكون صدف  علشان طبعا تستحمل السخونه وسعرها بيكون 4.5 او 5 جنيه  وكلها بيكون نوع واحد 

المفتاح الاتوماتيك او الخط اللى بيفصل الكهرباء   المفتاح ده لازمته ان لما يحصل لقدر الله اى قافله فى الشقه او فى المحلات بيفصل لوحده وكمان لو حبيت تصلح اى حاجه فى الشقه بتفصل ده علشان ماتتكهربش طيب وايه افضل نوع  افضل نوع ماركة اسمها هاجر وفى ماركات كتير جدا منه كويسه زى  الفرنساوى وايطالى والمانى والبتشينو ابعد عن انوع الكوري او الصيني      طيب هاشترى ازاى  طبعا فى منه 10 , 16 , 32 , 40 امبير  والافضل طبعا 32 او 40 طيب والارقام دى لازمتها ايه هاقولك انا دي بتبقى قوة التحمل  طيب منا اجيب الاكتر من ال 40 امبير لو فيه  اقولك طبعا لاء لان لوجيبت اكتر من كده لو حصلت قافلة مش هايفصل فا لاقدر الله ممكن تقلب بحريقق وخسائر طيب ولو الاقل من 32 هايفضل كل شويه يفصل لوحده بدون قافلات لان الحمل اعلى منه والمفتاح ضعيف اما عن السعر بيبتدى من 15 الى 35 جنيه  سعر المفتاح الهاجر والبيتشينو بيكون حسب الامبير بتاعه وبيتراوح بين ال 20 و ال 40 جنيه

أنواع الدوايات بسم الله الرحمن الرحيم اضع بين ايديكم  انواع واسعار الدوايات يوجد دواية قلاووظ بدون قاعدة بتتعلق بالسلك علي طول ودى سعرها بيكون 2 جنيه اللى هى التيوانى  وفى منها الصيني او لاكور ودى سعرها حوالى 3.5 جنيه وفي دوايات بالقاعده تثبت فى الحائط او السقف في نوع بـ 3 جنيه وفى الدوايات الديكور ودى بيكون شكلها زى الصورة  وسعرها بيكون 3.5 جنيه ومينفعش يركب عاليها غير الموفرة فقط

سعر اللمبه البولا او الكراويه يوجد منها انواع كتير معظمها صينى  او مصري وهى بتكون 40 وات  وسعرها 2 جنيه فقط

حصري على مدونة محمد لايت للادوات الكهربائية شرح تركيب مفتاح مروحه السقف بالصور هي طريقة مبسطه جدا نفس توصيل اللمبه العادية بس مع اختلاف المروحه ومفتحها

سعر مفتاح مروحه السقف ونوعه فى منه انواع كتير ولكن الافضل الاصلي بتاع الشركة نفسه زى اللى جى مع المروحه وده سعره ممكن يكون مرتفع شويه بس هو ده رقم واحد نيجى بقي للي فى السوق ومتواجد على طوول  فى الصينى اللى سعره بيكون بـ 10 جنيه وفى نوع تانى اسمه true light  والعلبه بتعته لونها اخضر فى اصفر  والفتاح بيكون من الداخل في كيس بلاستيك ده رااااااااائع جدا جدا مع الرغم انه صينى بس نضيف وسعرة 20 او 25 جنيه حسب المحل اللى بتشترى منه

بالصور طريقه توصيل كشاف فلورسنتلمبه واحده فقط اولا الطلبات صاجه للمبه 120 سم طبعا هى بتباع بالدوايات والسلك ب 10 او 12 جنيه ترنس 40 وات وسعره من 8.5 الى 20 استيتر وده سعره 1 او 1.5 حسب نوعه وطبعا لمبه 120 سم وسعرها 7.5 الى 10 وامشى على الصورة دى بالظبط وطبعا التوصيله دى للمبه 120 وال 60 سم طبعا ونفس الطلبات مع اختلاف بسيط فى الاسعار

انواع واسعار الفيش الدكر والنتايه والموضوع ده عن الاتنين بسم الله الرحمن الرحيم اليوم اضع بين ايديكم انواع واسعار الفيش الدكر والنتايه يوجد فيشه اللى اسمها كاوتش سواء ذكر او نتايه  دي بتكون 6 امبير بمعنى ايه انها ماينفعش يشتغل عليها ولا  ثلاجه ولا كاتيل ولا مكنسه ولا فرن كهربائي طيب في بديل ؟؟  نعم في بديل قوى جدا  وهى الفيش الذكر والنتايه التركي او ال 16 امبير وهى تستحمل اي شئ يشتغل عليها عادي جدا اما عن سعرهم ا لفيشه الكاوتش سعرها بيكون 1.5 او 2 جنيه التركى او ال 16 امبير سعرها 5 جنيه طبعا السعر ده للفيشه الواحده